Kuni – kecha xonanda Mirjon Ashrapov Toshkentimizda joylashgan «Istiqlol» san’at saroyida taqdim etilgan «Снежная королева» oilaviy myuzikliga o’z hissasini qo’shib, tashrif buyurgan tomoshabinlar ko’nglini olgan edi.
Mirjon Ashrapov barchamizga o’zining «Liki liki» qo’shig’i orqali tanilgan, bu qo’shiqni u hattoki Ozarbayjon yulduzi Elnur Valeh bilan duet kuylagan. Ommabop bo’lgan ushbu tarona endigida nafaqat o’zbek musiqa shinavandalarini, balki tojik hamda turkman tinglovchilarini shod etmoqda.
«Liki liki» yohud «Shiki shiki»ni tojik tilida Abdusalom va Dusmurod qayta kuylagan bo’lsalar, turkman tilida Muhammet Hudayberenov kuylagan.
Mirjon Ashrapovning bu boradagi fikrlari esa ijobiy: «Liki liki» yanada ko’proq tinglovchilar ko’nglidan joy olganidan manzurman» deydi.
Tinib – tinchimas xonanda muxlislari uchun tanlov e’lon qilgan.
Tanlov shartlari:
Mirjon Ashrapovning istagan qo’shig’ini kuylab original videoni suratga oling va uni Instagram’ga @mirjon_ashrapov, @f.badalbayev foydalanuvchilarini belgilab hamda #mirjonsinger xeshtegi bilan joylashtiring.
1. o’rin g’olibiga -artistning klipida ishtirok etish;
2. o’rin g’olibiga – artist bilan restoranda kechki ovqat
3. o’rin g’olibiga – original futbolka va boshqa sovg’alar
Tanlov 2016 yilning 13 yanvar kunidan boshlab 13 fevral kuniga qadar davom etadi.
G’oliblar tasodifiy tartibda aniqlanadi.
Barcha barchaga omad! Yangi klipda ko’rishguncha!
