Охирги кунларда кўп бора тилга олинаётган хонанда Райҳон ва бошловчи Фарҳод Алимов ҳақидаги гап-сўзларнинг бекорга эмаслиги ўз тасдиғини топди.
Фарҳод Алимов ва Райҳон никоҳдан ўтишган ва шу муносабат билан 5 ноябрь куни амру-маъруф дастурхонига таклифномалар ҳам тарқатилган. Тўй қачон бўлиши ҳозирча номаълум.
Маълумот учун, Фарҳод Алимов таниқли бошловчи, уч фарзанднинг отаси, оиласидан маълум сабабларга кўра ажрашганига бир ярим йилдан ортиқ вақт ўтган.
Райҳон икки фарзанднинг онаси, унинг биринчи никоҳи таниқли актёр Йигитали Мамажонов билан 2012 йилнинг ноябрь ойида бўлиб ўтган ва 2015 йилнинг 9 январида Райҳон ажрашиш учун ариза берган. 2016 йилнинг май ойида эса, уларнинг никоҳи расман бекор қилинган эди.
