Халқимизнинг хушовоз хонандаси Сардор Мамадалиев аввал хабар берганимиздек, янги ғоялар устида ишламоқда. Бугун унинг яқиндагина видеоклип тасвирга олинган “Дил яраси” таронаси юртимизнинг етакчи радиотўлқинлари узра жаранг сочди. Тингловчилар томонидан илиқ кутиб олинган мазкур қўшиқ Шарофиддин Болтабоев сўзи билан яратилган. Композитор Нодир Умаров.
Эслатиб ўтамиз, “Дил яраси” ёхуд “Ажралишдик-2” таронасига “9999” студияси клипмейкерлари Хуршид ва Нодир Собировлар режиссёрлигида видеоклип тасвирга туширилган. Унда маҳоратли актёр Карим Мирҳодиев ва иқтидорли актриса Юлдуз Ражабовани кўришингиз мумкин. Мазкур мусиқий асарни ҳозироқ тингланг ва видеоклипни кутиб қолинг.
