Bir oz muddat avval Vohidjon Isoqov o’zining «Eslagin» qo’shig’ini premyera qilgan edi.
Qo’shiqdagi yoqimli ohanglar hamda undagi nolalar sizga ham manzur bo’ldi degan umidda ijodkor endigida ushbu qo’shiq uchun maxsus suratga olingan videoni havola etish istagidadir.
Vohidjon Isoqovning «Eslagin» videoklipi uch kun davomida iqtidorli klipmeyker Shuhrat Mavlonov tomonidan tasvirga olingan. Syujet liniyasiga ega bo’lgan videoda bosh qahramonlar obrazlarini iqtidorli o’zbek aktyorlari Yigitali Mamajonov va Yulduz Rajabovalar namoyon etib berganlar.
Eslatib o’tish joizki, «Eslagin» uchun aranjirovkani Ahliyor Azimov tayyorlagan, musiqani esa xonandaning o’zi bastalagan.
Klip tez kunda muxlislar e’tiboriga tortiq etiladi. Kutamiz!.
