Xonanda Ali Otajonov “Sug‘diyona” gazetasiga bergan intervyusida, internet tarmog‘ida juda faolligi borasida berilgan savollarga javob qaytardi.
Ali Otajonovning aytishicha, u ijtimoiy tarmoqlarga surat joylashtirishdan tashqari, internetdan uzoqdagi yaqinlarining holidan xabar olish, filmlar tomosha qilish, yangi musiqalar tinglash, muxlislari bilan muloqot qilish va o‘z ijodi bilan bog‘liq yangiliklarni ulashish maqsadida ham foydalanadi.
“To‘g‘risi, ba’zida ijtimoiy saytlarga sarflagan vaqtimni o‘ylasam, umrim bekorchi narsalar bilan o‘tib ketayotgandek tuyuladi. Virtual olamda uzoq vaqt o‘tirishimni balki “kasallik” ham deyish mumkindir. Bu jarayonda odam o‘zini nazorat qilishi kerak, nafaqat kerak, balki shart ekan”, — dedi xonanda.
