Халқимизнинг истеъдодли хонандаси, Жўраевлар сулоласининг яна бир давомчиси Зоҳиршоҳ Жўраев сайтимиз орқали ўзининг ўта таъсирли видеоклипини намойиш этмоқда. “Мама” деб номланган қўшиқнинг ўзи қалбларни титратади. Клипини томоша қилган ҳар бир томошабин эса кўзига ёш олмай иложи йўқ. Зоҳиршоҳ Жўраев ижодидаги танаффусга айнан шу қўшиқ билан чек қўйди десак, муболаға бўлмайди.
Қўшиқ бундан 30 йил муқаддам хонанданинг отаси, эл ардоғидаги санъаткор Шерали Жўраев томонидан ижро этилган. Таронанинг муаллифларига тўхталадиган бўлсак, сўзи Доғистон халқ шоири Расул Ҳамзатов қаламига мансуб. Мусиқаси эса устоз санъаткор Шерали Жўраев томонидан басталанган. Зоҳиршоҳнинг маълумот беришича, клипда асосий режиссёр йўқ. Видео асар унинг ғояси асосида тасвирга туширилган. Марҳамат қўшиқни тинглаб, видеоклипдан баҳра олинг.
