Endi men kechikdim, senga yetolmam, Orzularim so`nmoqda sekin. Sochlaringdan bir bor silolmam, Hayolimda yashaysan lekin. Hijron fasli boshlandi qara, Zar tuproqqa to`kildi yaproq. Tiniqlashar oy ham tobora Vujudimda qadrdon titroq. Men kechikdim, taqdir ekan shul, Ismingni ham chizdim ko`nglimdan. Unutolmam shunda ham butkul, Qutulolmam so`ngsiz azobdan. Men kechikdim, sen esa ketding, O`zga dilga darding aytgali. Abad sevsang arzigay sevging, Faqat sensan bu jangda g`olib. Baxtli bo`lgin, omadli bo`lgin, Husningga ham termulmoq azob. Umring doim shodlikka to`lsin, Hech topmagin mendayin azob!
