Rejissor Rustam Sa’diyev “Baron” filmini disklarda tarqatib yuborgan “videoqaroqchilar”ning qilmishi javobsiz qolmasligini ta’kidladi. Bu haqda u “Qalampir”ga bergan intervyusida aytib o‘tdi.

Avvalroq, filmning sifatli nusxasi “videoqaroqchilar” tomonidan disklarda tarqatib yuborilgani haqida xabar berilgan edi. Rustam Sa’diyevning aytishicha, “videoqaroqchilar”ning qo‘lidagi material bilan kinoteatrlarda namoyish etilayotgan film o‘rtasida farq bor.

“Bu ishlar shunchaki javobsiz qolmasligi tayin. Filmning davomini suratga olishim va o‘zbek kinosining yanada rivojlanishi, shubhasiz, kinoteatrlarga kelayotgan tomoshabinlarga bog‘liq. O‘zini hurmat qilgan, yuzlab kishilarning mehnatini qadrlaydigan asl tomoshabinlar filmni kinoteatrlarga kelib tomosha qiladi”, — deya qo‘shimcha qildi Rustam Sa’diyev.

Qayd etish joiz, Sa ... Читать дальше »

Rejissor Rustam Sa’diyevning “Baron” filmi premyerasidan bir hafta o‘tib, uning sifatli nusxasi, “videoqaroqchilar”ning xatti-harakatlari sabab, qo‘l telefonlari va disklar orqali tarqalishga ulgurdi. Bu haqda “Qalampir” xabar bermoqda.

“Filmning diski tarqab ketganidan xabarim bor. Biroq ‘videoqaroqchilar’ning qo‘lidagi diskdagi material katta ekranlarda namoyish etilayotganidan filmdan ancha farq qiladi. Filmning xomaki nusxasi bozorlar va disk do‘konlarida sotilyaptimi yoki yo‘q, bunisidan xabardor emasman”, — dedi rejissor.

“Qalampir”ning qayd etishicha, bu voqea rejissor Rustam Sa’diyev bilan birinchi marta ro‘y berayotgani yo‘q. Uning o‘tgan yil katta shov-shuvlarga sabab bo‘lgan “Sotqin” nomli kartinasi ham katta ekranlarga chiqqanidan bir oy o‘tar-o‘tmas “qaroqchilar”ning qo‘l ... Читать дальше »

Taniqli so‘z ustasi Obid Asomov Instagram’dagi shaxsiy sahifasiga Nasiba Abdullayeva bilan birga tushgan suratini joyladi, deb xabar beradi “Darakchi.uz”.

“Nima deyishim mumkin bu rasmga qarab? Nasibaxonga vaqt ta’sir qilmas ekan! Borgan sari yosharib ketyaptilar! Yurakdan sevaman va sevgimdan tonmayman! Ko‘rolmaganlarga alam qilsin!”, — deya suratga izoh qoldirdi Obid Asomov.

Dart Veyder qahramoni “Yulduzlar jangi”ning spin-offi “Yulduzlar jangi: Qochqin”da katta rolga ega bo‘ldi. Bu haqda JoBlo nashriga tayanib, “Gazeta.ru” xabar bermoqda.

Nashr ma’lumotiga ko‘ra, ushbu qahramon filmda paydo bo‘ladi, uning roli oldin kutilganidan kattaroq bo‘ladi.

JoBlo yana spin-offda to‘liq qora kiyim kiygan shturmchilar bo‘lishini xabar qilmoqda. Bu haqdagi gap-so‘zlar 2015-yil oxirida tarqalgandi, endi nashr o‘z ma’lumotini manbalarga tayanib, tasdiqlamoqda. Bundan tashqari, shturmchilarni Death Troopers deb atalishi ma’lum bo‘ldi.

Kinolenta rejissori — Garet Edvards. Filmda Felisiti Jons, Mads Mikkelsen, Ben Mendelson, Alan Tyudik, Forest Uitaker va boshqalar suratga tushadi. Kartina Amerika prokatiga 2016-yil 16-dekabrda chiqadi.

Shahzoda Facebook’dagi sahifasida delfin qurshovida tushgan suratini joylashtirdi.

“Yana bir orzuim amalga oshdi. Xudoga shukur. Delfinlar yer yuzidagi eng ajoyib va mehribon jonivor. Buni so‘z bilan ifodalab bo‘lmaydi. Ular bilan birga bo‘lgandan so‘ng quvonchdan yig‘lagim keldi. Qanchalik yoqimtoy, qanday samimiy mavjudot”, — deya taassurotlarini o‘rtoqlashgan xonanda.

Surat aynan qayerda olingani haqida ma’lumot berilmagan. Foydalanuvchilardan biri Dubay deb taxmin qilgan. Yana bir foydalanuvchi esa “Baxtli delfin ekan, havasim keldi. Uning o‘rnida bo‘lib qolishni istardim” , deya izoh qoldirgan.

Kiyevda bastakor va prodyuser Konstantin Meladzega tegishli avtomobil o‘g‘irlab ketildi. Bu haqda “Korrespondent.net” ma’lum qildi.

2013-yilda ishlab chiqarilgan Lexus LX 570 26-yanvar, seshanba kuni kechga yaqin “Sputnik” kinoteatri atrofidan olib ketilgan.

Eslatib o‘tamiz, oldinroq Konstantin Meladze Italiyada xonanda Vera Brejneva bilan nikohdan o‘tgani haqida xabar berilgandi.

Germaniyalik supermodel Klaudiya Shiffer Amerikaning TSE brendi bilan hamkorlikda ishlab chiqarilgan kiyimlar kolleksiyasini taqdim etdi. Bahorda u Germaniyada, keyin esa Fransiyada namoyish etiladi, deb xabar beradi WWD.

Kiyimlar tizimiga kashmiri kiyimlarning 40 ga yaqini kiritildi. Narxlar 177 dollardan boshlanadi. Kolleksiya sotuvda avgust oyida paydo bo‘ladi.

Eslatib o‘tamiz, bu Shiffer ishtirokida yaratilgan birinchi lineyka emas. 2015-yilning avgustida kashmiri sviter, poncho, ko‘ylak va kardiganlar sotuvga chiqarilgan edi.

Rejissor Rustam Sa’diyevning yangi — “Baron” nomli kinokartinasi sabab yanvar oyi oxiriga rejalashtirilgan yangi filmlar premyeralari bekor qilindi. Bu haqda “Shov-shuv.uz” xabar bermoqda.

“Shov-shuv.uz” xabarida aynan qaysi rejissorlarning qaysi filmlari, umuman, nechta film premyerasi bekor qilinganiga aniqlik kiritilmagan.

Avvalroq, 24-yanvar, yakshanba kuni Toshkentdagi Alisher Navoiy nomli kinosaroyida “Baron” filmi namoyishi uchun 7,5 ming chipta sotilgani haqida xabar berilgan edi.

Rejissor Rustam Sa’diyevning yangi — “Baron” nomli filmining Alisher Navoiy nomli kinosaroy (“Panorama”)dagi namoyishlariga 24-yanvar kuni 7,5 ming tomoshabin keldi. Bu haqda “Shov-shuv.uz” xabar bermoqda.

Nashrning yozishicha, film premyerasining ertasiga kinosaroyga 4,5 ming tomoshabin kelgan, film kinosaroyning barcha 12 zalida namoyish etilgan. “Chunki boshqa biror filmga talab yo‘q”, — deb yozadi “Shov-shuv.uz”.

Jumladan, nashrning qayd etishicha, 24-yanvar, yakshanba kuni “Baron”ni tomosha qilish uchun “Panorama”ga 7,5 ming tomoshabin kelgan, 2 mingdan ortiq tomoshabin chipta xarid qilolmagan.

“Mustaqillik yillarida zamonaviy o‘zbek kinosida bunday holat ilk marotaba kuzatildi”, — deb yozadi “Shov-shuv.uz”.

Omadim yo’q, omadsizman dema
Hali sen uchun ham tonglar otadi

Musiqiy olamning iqtidorli ijodkorlaridan biri Botir Yaminov bugun hayotiy savol, savdolar va g’alvolarni o’zida jamlagan qo’shiqni taqdim etmoqda.
Xonandaning bu galgi ijod namunasi «OMAD» deya nomlangan bo’lib, bu qo’shiq hayot turmushi, do’stlik va sevgi mavzularini tarannum etmoqda.
Botir Yaminov 2016 yilda ilk qo’shig’ini tinglovchilarga havola etar ekan, qo’shiq bilan birga uning uchun maxsus suratga olingan videoklipga ham nazar solish imkonini bermoqda.
Iste’dodli xonandaning «OMAD»ni tinglaymiz va ko’ramiz!

Omadning kaliti,
Ota – onaning duosidadur…

Botir Yaminov – «OMAD»