Buyuk Britaniyaning besh nafar fuqarosi bo‘lgan avtomobil Shvetsiya poytaxti Stokgolm janubi-g‘arbidagi ko‘prikdan, 24 metr balandlikdan suvga quladi. Bu haqda “RBK” xabar bermoqda.

Stokgolm politsiyasi vakili Yeva Nilssonning ma’lum qilishicha, g‘avvoslar suvdan besh nafar erkakning jasadini olib chiqqan. Dastlabki ma’lumotlarga ko‘ra, Britaniyaning Viola Beach rok-guruhi ishtirokchilari va ularning menejeri avtohalokat qurboni bo‘lgan. San’atkorlar tushgan mashina yo‘lda o‘rnatilgan to‘siqqa kelib urilgan.

Viola Beach rok-guruhi 2014-yilda tashkil etilgandi. Avtohalokat guruhning dunyo bo‘ylab ilk ijodiy safari chog‘ida ro‘y bergan.

... Читать дальше »

Rejissorlar Tomas Makkartining “Diqqat markazida” va Adam Makkeyning “Pastlatish o‘yini” filmlari eng yaxshi original va eng yaxshi soddalashtirilgan ssenariy uchun AQSh Ssenariychilar Gildiyasi mukofoti (Writers Guild of America Award)ni qo‘lga kiritdi. Bu haqda mukofotning rasmiy sayti bergan ma’lumotlarga asosan “RBK” xabar qilmoqda.

“Diqqat markazida” filmi bilan birga “Ovozlar ko‘chasi”, “Qotil”, “Andishasiz qiz” va “Ayg‘oqchilar ko‘prigi” filmlari sovrin uchun kurash olib bordi.

Eng yaxshi soddalashtirilgan ssenariy uchun mukofot Charlz Rendolf va Adam Makkeyga nasib qildi. Bu unvonga “Kerol”, “Marslik”, “Stiv Jobs” va “Trembo” filmlari nomzod bo‘lgan edi.

Yangi serial unvoni “Mister Robot” seriali ssenariysiga berilgan bo‘lsa, hujjatli film uchun eng y ... Читать дальше »

Bugun, 14-fevral kuni 14:00 da Twitter mikrobloglar xizmatining o‘zbekistonlik faol foydalanuvchilari tomonidan mutafakkir va davlat arbobi Zahiriddin Muhammad Bobur tavalludining 533 yilligiga bag‘ishlangan #BoburDay heshtegini jahon trendiga olib chiqish uchun boshlanadigan harakatni o‘zbekistonlik san’atkorlar qo‘llab-quvvatlamoqda.

Aksiyada barcha ijtimoiy tarmoqlarning faollari #BoburDay yozuvi (heshtegi)ni ishlatgan holda post qoldirib, ishtirok etishi mumkin.

Avvalroq xonanda Lola Bobur tavallud topgan sana munosabati bilan Toshkent ko‘chalarida o‘ziga xos aksiya o‘tkazib, #BoburDay heshtegini reklama qilgani xabar berilgan edi.

... Читать дальше »

Xonanda Lola 14-fevral — Zahiriddin Muhammad Bobur tavallud topgan sana munosabati bilan Toshkent ko‘chalarida o‘ziga xos aksiya o‘tkazdi va jarayonni Facebook sahifasiga fotosuratlar ko‘rinishida joyladi.

“Ertaga (suratlar 13-fevralda joylangan) qanday kun? #BoburDay Valentin kuni? Yo‘q, unaqasini eshitmaganman”, — deya yozgan u.

Suratlarda xonanda avtobus ichidagi yo‘lovchilar orasida, bir guruh bolalar orasida #BoburDay heshtegi tushirilgan plakat bilan turganini ko‘rish mumkin. Rasmlardan birida, hatto, avtobus haydovchisi ham heshtegni tutib turibdi.

Postga fikr bildirganlarning ko‘pchiligi ushbu aksiyani qo‘llab-quvvatlab, Lolaning qo‘shayotgan hissasini yuqori baholagan. Biroq uning xatti-harakatlaridan kinoya yoki “litsenziyasini qaytarish uchun urinish” alomatlarini qidirganlar ham bo‘ldi.

Eslatib o‘tamiz, O‘zbekiston oliy ta&rsqu ... Читать дальше »

Lola Yo‘ldosheva Instagram’даги sahifasiga joylashtirgan navbatdagi videolavha ko‘pchilikni ajablantirgan bo‘lsa ajab emas: xonanda montaj yordamida qiyofasini… maymunnikiga almashtirib olgan.

Rolikda “Hammaga yaxshi kayfiyat tilayman. Barchangizni o‘pib qolaman. Hamma raqsga tushadi!” degan chaqiriqlarni eshitish mumkin. Maymun-xonanda ortida esa yigit-qizlar qiyshanglab, raqs tushayotgani aks etgan.

Тансуют все! Давай тансевай! #lola #lolayuldasheva #ovutay #music #uzbekistan #tashkent

Видео опубликовано LOLA (@lolaofficial_) Фев 13 2016 в 2:45 PST

Foydalanuvchilar qoldirgan izohlar ham shunga yarasha. Kimdir “Endi o‘zingizni topibsiz” desa, yana kimdir “Dardini bergan, shifosini ham bersin”, deya izoh qoldirgan.

Tamila taxallusi ostida ijod qilib kelgan Esmeralda Rahmatova san’atni butunlay tark etadi. Bu haqda u “Darakchi” gazetasiga bergan intervyusida aytib o‘tdi.

— Demak, san’atni butunlay tark etdingiz-a?

— Ha! Chunki odamlarning men haqimdagi salbiy fikrlari ko‘nglimga og‘ir botyapti.

Aktrisa Zarina Nizomiddinova oshxonada ko‘p vaqt o‘tkazmasligini tan oldi. Bu haqda u “Darakchi” gazetasiga bergan intervyusida aytib o‘tdi.

“Oshxonada ko‘p vaqt o‘tkazaman, deya olmayman. Ammo mazali taomlar bilan oila a’zolarimni xursand etish qo‘limdan keladi”, — dedi Zarina Nizomiddinova.

“Xamirli taomlar tayyorlashni qoyil qilaman. Hatto lag‘mon cho‘zishni ham bilaman (kuladi). O‘zimga baho berolmaymanu, lekin men pishirgan lag‘monni yeganlardan doim maqtov eshitganman”, — dedi aktrisa.

O‘zbekiston xalq hofizi O‘lmas Saidjonov vafot etdi. Bu haqda O‘zbekiston va Qoraqalpog‘iston xalq artisti Muyassar Razzoqova o‘zining Facebook’dagi sahifasida ma’lum qilgan.

“O‘zbekiston xalq hofizi O‘lmas aka Saidjonov bevaqt dunyodan o‘tdi. Oxiratlari obod bo‘lsin!”, deyiladi mazkur xabarda.

Ma’lum bo‘lishicha, san’atkor 13-fevral, shanba kuni 2-Toshkent tibbiyot akademiyasi shifoxonasida yurak xurujidan vafot etgan.

1951-yilda Qashqadaryo viloyatining Kitob tumani, Tuyaboshi qishlog‘ida tavallud topgan O‘lmas Saidjonov 10-yanvar kuni 65 yoshni qarshilagandi.

Xonanda Tamila “O‘zbeknavo” estrada birlashmasidan unga tegishli litsenziyani bekor qilishni so‘raganini ma’lum qildi. Bu haqda “Darakchi” gazetasi xabar bermoqda.

“Litsenziyamni bekor qilinishini ‘O‘zbeknavo’dan o‘zim iltimos qildim va meni bezovta qilmasliklarini so‘radim”, — dedi Tamila.

“Videolarni ekspertizaga topshirib, behayo harakatlar qilgan qiz men emasligim va bu qabih ishga kim qo‘l urganini bilish niyatidaman”, — deya qo‘shimcha qildi xonanda.

Tamilaning bu so‘zlariga “O‘zbeknavo” estrada birlashmasi litsenziya bo‘limi boshlig‘i Odil Abduqahhorov quyidagicha munosabat bildirdi: “Gapidan tonadigan xonandaga ishonasizmi yoki rasmiy tashkilot vakilining gapiga? Uning bu ma’lumoti 100 foiz yolg‘on!”.

Yanvar oyi oxirida internetda Tamila deb taxmin qilinayotgan qizni ... Читать дальше »

O‘zbekiston xalq artisti Ozodbek Nazarbekov 2015-yili “Buyuklar bisotidan: Zahiriddin Muhammad Bobur” nomli musiqiy dastur tashkil etib, qo‘shiqlar jamlanmasini ham chiqargandi, deb yozadi “Darakchi” gazetasi.

An’anani davom ettirishga qaror qilgan Nazarbekov mazkur loyihaga hamkasblarini ham jalb etdi. “Darakchi”ning yozishicha, yangi musiqiy dastur “Yoshlar” teleradiokanali orqali efirga uzatilishi rejalashtirilgan.

“Bu safar ‘Buyuklar bisotidan’ turkumida Navoiy g‘azallaridan qo‘shiqlar kuylanadi”, — deb yozadi gazeta. Ozodbek Nazarbekov loyihaga aynan qaysi xonandalarni taklif etganiga aniqlik kiritilmagan.