Xonanda Tamila Instagram’dagi shaxsiy sahifasini butunlay o‘chirib tashladi. U bu haqda “Darakchi” gazetasiga bergan intervyusida aytib o‘tdi.

“Instagram’dagi shaxsiy sahifam nomini o‘zgartirganim yo‘q, uni o‘chirib tashladim. Endi ijtimoiy tarmoqlarda yo‘qman”, — dedi xonanda.

Gazeta muxbirining Instagram’da @tamilaofficial nomi bilan sahifa ochilgani va unda xonanda nomidan muloqot davom etayotgani haqidagi savoliga Tamila: “Yo‘q, u men emasman”, deb javob bergan.

Yanvar oyi oxirida internetda Tamila deb taxmin qilinayotgan qizning axloqsiz harakatlari aks etgan videoyozuvlar tarqalib ketgandi. Shundan so‘ng xonandaning prodyuseri u bilan hamkorlikni to‘xtatdi, “O‘zbeknavo” esa Tamilaning litsenziyasini tugatdi.

Shov-shuvlar ortidan Tamila Qozog‘istonga ko‘chib ketgani haqida xabarlar paydo bo‘lgandi, ... Читать дальше »

Aktrisa Sitora Alimjonova rejissor Ulug‘bek Abzalovning “Salom, sevgi” filmini suratga olish vaqtida hushidan ketdi. Bu haqda “Darakchi” gazetasi xabar bermoqda.

“Sitora Alimjonova qahramonining dardli sahnasi 20 ta dubl qilingani aktrisaning yuragiga og‘irlik qilgan, shekilli, u hushidan ketib qoldi. Ijodiy jamoa o‘z vaqtida tez yordam ko‘rsatishga ulgurgan”, — deyiladi gazeta xabarida.

Bundan tashqari, Toshkent viloyati hududida joylashgan Nanay tog‘laridagi suratga olish ishlari vaqtida aktrisa baland poshnali oyoq kiyimida tepalikka chiqishga urinib, ehtiyotsizlik oqibatida jarga qulashiga bir bahya qolgan.

“O‘zbeknavo” estrada birlashmasi litsenziya bo‘limi boshlig‘i Odil Abduqahhorov xonanda Tamilaga litsenziyasi qaytarib berilishi shartini ma’lum qildi. Bu haqda “Darakchi” gazetasi xabar bermoqda.

Eslatib o‘tamiz, bir muddat avval Tamilaning axloqsiz harakatlari aks etgan videoyozuv messenjerlarda tarqalib ketgan, shundan so‘ng “O‘zbeknavo” estrada birlashmasi xonandaning litsenziyasini tugatgan edi.

“Behayo videolarning tarqalishi bizni ham g‘azablantirdi”, — dedi Odil Abduqahhorov.

“Tamilaga qo‘ng‘iroq qilganimda, ikkita videoning birida o‘zi ekanini tan olgandi. Keyin ‘O‘zbeknavo’ga chaqirtirganimizda, ‘videodagi men emasman’, deb turib oldi”, — dedi “O‘zbeknavo” vakili.

“Shunda videolarni ekspertizaga topshirib, undagi qiz o‘zi emasligini tasdiqlovchi h ... Читать дальше »

Aktrisa Gulnora Qosimova onalik baxtiga erishish ostonasida turibdi, deya xabar bermoqda “Darakchi” gazetasi.

“Bu xushxabarni aktrisaning Instagram’ga joylayotgan suratlaridan payqash qiyin emas”, — deb yozadi gazeta.

Eslatib o‘tamiz, Gulnora Qosimova 2015-yilda turmushga chiqqandi. To‘y marosimi AQShda bo‘lib o‘tgan.

Ma’lumot uchun, aktrisa Gulnora Qosimova “Iblis devori”, “Notanish”, “Uqubat”, “Arzanda”, “Mening akam bo‘ydoq”, “Fidoyilar” kabi filmlarda suratga tushgan.

Xonanda Lola “Sug‘diyona” gazetasiga bergan intervyusida, turmushga chiqqanidan keyingi dastlabki davrda singlisi va yaqin dugonasi unga qanday yordam ko‘rsatgani haqida so‘zlab berdi.

“Katta hovliga kelin bo‘lganman. Supur-sidir, uy ishlari — hammasiga ulgurishim qiyin edi. Uydagilar ketishgach, dugonam Nargiza bilan singlim Anora yordamga kelardi”, — dedi xonanda.

“Kechgacha ko‘cha, hovlini supurardik, kir yuvardik, oyna artardik, ovqat pishirardik. Keyin hech kim kelmasidan ular ortga qaytishardi. Hozir kulib eslayapmizu, lekin dugonam va singlim bo‘lmaganida, bilmadim, nima qilardim”, — dedi Lola.

“Sug‘diyona” muxbirining: “Uddaburon kelin bo‘lgan ekansiz-da. Bu hiylangizni hech kim sezmaganmi?”, — degan savoliga, Lola kulib shunday javob berdi: “Birinchi marta sizga aytyapman”.

Ma’lumot uchun, Lola ... Читать дальше »

Xonanda Tamila (Esmeralda Rahmatova) internetda tarqalib, shov-shuvlarga sabab bo‘lgan axloqsiz videolarning birida o‘zi aks etgani haqidagi avvalgi izohini rad etdi. Bu haqda “Darakchi” gazetasi xabar bermoqda.

“Bilasizmi, sha’nimga shunchalar ko‘p e’tiroz yog‘ildiki, oxiri ko‘rinmayapti. Lekin ikkita videodagi qiz ham men emasman. Bu menda xusumati bor odamlarning ishi, deb bilaman. Xuddi menga o‘xshaydigan qizni topib, tasvirga tushirib, tarqatib yuborishgan”, — dedi Tamila.

Shov-shuvli videolar tarqalgan ilk kunlarda Tamila “Sayyod.com”ga bergan intervyusida videolarning birida o‘zi tasvirlanganini tan olgandi.

“O‘sha kuni ‘Sayyod.com’ saytidan Sardor Komilov qo‘ng‘iroq qilib, ‘Ikkita videodagi sizmi?’, deb so‘radi va u nima haqida gapirayotganini tushuntirmadi. O‘zining loyihalaridagi videolarni nazar ... Читать дальше »

Internet foydalanuvchilari belgiyalik aktyor Mattias Shonarts Rossiya prezidenti Vladimir Putinga Leonardo DiKapriodan ko‘ra ko‘proq o‘xshaydi deb topdi. Bu haqda “Gazeta.ru” xabar bermoqda.

38 yoshli Shonarts uncha taniqli bo‘lmagan aktyor. U suratga tushgan so‘nggi filmlar — “Daniyalik qiz”, “Telba odamlardan uzoqda”, “Loft” va boshqalardir.

Uning Putin bilan o‘xshashligi, ayniqsa, “Daniyalik qiz” filmida yuzaga chiqdi.

Eslatib o‘tamiz, avvalroq Knightsbridge Entertainment kinokompaniyasining “Putin” nomli filmida Leonardo Di Kaprio Rossiya prezidenti rolini o‘ynashga rozilik bergani haqida xabar tarqalgan edi. Keyinroq esa Peskov Putin u haqda film yaratish rejalari, shuningdek, taniqli amerikalik aktyor Leonardo Di Kaprioning, go‘yoki, unda bosh rol o‘ynash niyatidan bexabar ekanligini ma’lum qilgan edi.

< ... Читать дальше »

O‘zbekiston Xususiylashtirish, monopoliyadan chiqarish va raqobatni rivojlantirish davlat qo‘mitasi umumiy ovqatlanish muassasalariga iste’molchilar huquqlarini himoya qilish va reklama to‘g‘risidagi qonunchilik talablarini buzganlik uchun javobgarlik nazarda tutilganini eslatdi. Bu haqda Norma.uz xabar bermoqda.

Qo‘mitaning “Iste’molchilarning huquqlarini himoya qilish to‘g‘risida”gi qonun talablariga asoslanib qayd etishicha, ishlab chiqaruvchi (ijrochi, sotuvchi) iste’molchiga o‘zi realizatsiya qilayotgan tovar (ish, xizmat)lar haqida o‘z vaqtida zarur, to‘g‘ri va tushunarli ma’lumot berishi shart.

Qo‘mita iste’molchilarning huquqlarini himoya qilish sohasidagi qonunchilik talablari bajarilishini o‘rganish davomida OAV, internet, xususan, ijtimoiy tarmoqlarda turli umumiy ovqatlanish korxonalari (restoranlar, kafelar, barlar va boshqalar)dagi (es ... Читать дальше »

Warner Bros. kompaniyasi YouTube’dagi rasmiy kanalida “Betmen Supermenga qarshi: Adolat tongida” filmining yangi treylerini joylashtirdi. Bu haqda Batman News xabar bermoqda.

Hisob bo‘yicha to‘rtinchi promorolikda Ben Afflek ijro etgan Betmen nomidan so‘z boradi. Sahnalardan birida ilk bor aktrisa Gal Gadotning Mo‘jiza-ayol qiyofasida ko‘rish mumkin. Filmda, shuningdek, Genri Kavill, Jeffri Din Morgan, Jessi Ayzenberg va Emi Adams ham ishtirok etgan.

Budjeti 200 million dollar baholanayotgan film premyerasi AQShda shu yilning 20 martida bo‘lib o‘tadi.

“O‘zbeknavo” estrada birlashmasi yaqin vaqt ichida xonanda Tamilaning internetda tarqaligan noma’qul videosi yuzasidan katta yig‘ilish o‘tkazadi. Bu haqda birlashmaning litsenziya bo‘limi boshlig‘i Odil Abduqahhorov “Darakchi” gazetasiga ma’lum qildi.

Odil Abduqahhorovning fikricha, san’atkorlarning ma’naviyatini oshirish bo‘yicha maxsus choralar ko‘rish shart.

“Yana bir holat: Instagram’da xonandalar Lola (Yo‘ldosheva) va Aziza Nizomova hamkasbi (Tamila)ning xatti-harakatini qo‘llab-quvvatlayapti. Bu uyat-ku! Tamilani tartibga chaqirish o‘rniga, aksincha, tarafkashlik qilishyapti”, — deydi “O‘zbeknavo” vakili.

“Yaqin kunlarda shu masala yuzasidan katta yig‘ilish o‘tkazishni rejalashtirganmiz. Unda nafaqat bu ikki xonanda, balki boshqa san’atkorlar ishtiroki ham ko‘zda tutilgan. Ula ... Читать дальше »