Brent neftining narxi Moskva vaqti bo‘yicha 5:00 da barreliga 33,21 dollarga pasaydi. Keyingi 15 daqiqa ichida uning narxi yana 33,50 dollarga o‘sdi, deb xabar beradi “RBK”.
Brent markasi bahosining keskin tushishiga Xitoy fond bozoridagi 5:24 holatiga 7,32 foizga tushib ketishi sabab bo‘ldi. Savdolarning boshlanishidayoq Shanghai Composite indeksi besh foizdan ko‘proqqa arzonlashdi. Shundan so‘ng savdo 15 daqiqaga to‘xtatib turildi. Biroq birja faoliyati yana ishga tushgandan keyin ham keskin pasayish davom etdi. 7,32 foiz ko‘rsatkichda savdo yana to‘xtatildi.

Oxirgi sutka ichida neftning Brent markasi sakkiz foizdan ko‘proqqa arzonlashdi. Neft barrelining narxi 2004-yilning aprelidan buyon 34 dollardan pasaymagan edi.
... Читать дальше »

Pegasus Airlines va Onur Air samolyotlarining Rossiyaga parvozi to‘xtatilishi aviakompaniyalar rahbariyati 1-yanvardan Turkiya fuqarolari uchun joriy etilgan vizalarni vaqtida olish uchun harakat qilmagani bilan bog‘liq. Bu haqda Rossiya tashqi ishlar vazirligi rasmiy vakili Mariya Zaxarova ma’lum qildi, deya xabar beradi “RBK”.
“Pegasus Istanbuldagi bosh konsulxonaga vizalar uchun hujjatlarni 6-yanvar kuni taqdim etgan. Onur Air esa umuman murojaat etmagan”, — deya ta’kidlagan Zaxarova. Rossiya TIV vakili “380 nafar uchuvchi va texnik xodimlar uchun o‘z vaqtida yillik ko‘p karrali vizalar olgan va jadval bo‘yicha parvozlarni davom ettirayotgan” Turkish Airlines aviakompaniyasini o‘rnak sifatida keltirdi.

Eslatib o‘tamiz, oldinroq Turkiya transport vaziri Binali Yildirim Rossiyani xalqaro aviatsiya me’yorlarini buzishda ayblab, mamlakat aviakompaniyalari ekipaj a’zolari uchun viza berishdagi vaziyatni «zo‘ravonlik» deb atagandi.
... Читать дальше »

Iroq harbiy-havo kuchlari Anbar viloyatidagi Barvana shahrida joylashgan IShID bazasiga aviazarbalar berdi. Mazkur hujumlar natijasida IShID harbiy vaziri ekanligi aytilayotgan Samir Muhammad Husayn al-Matlub Mahlaviy va uning uch nafar yordamchisi o‘ldirilgan. Bu haqda Al-Ahed manbalariga tayanib, Eronning Press TV telekanali ma’lum qildi, deya xabar beradi “Korrespondent.net”.
Iroq xavfsizlik kuchlari va ko‘ngillilar aviatsiya yordamida Barvana hamda Xadita shaharlarida hujumga o‘tgan va IShIDning 250 dan ziyod jangarisini yo‘q qilgan. Shuningdek, operatsiya davomida terrorchilarga tegishli 100 dan ortiq transport vositasi, jumladan, portlovchi moddalar bilan to‘ldirilgan avtomobillar safdan chiqarilgan.
... Читать дальше »

BMT Xavfsizlik kengashi KXDR tomonidan yadro sinovi o‘tkazilishiga nisbatan rezolyutsiya bo‘yicha javob choralari yuzasidan darhol ish boshlaydi. Bu haqda 6-yanvar kuni Xavfsizlik kengashiga raislik qiluvchi urugvaylik diplomat Elbio Rosselli jurnalistlarga ma’lum qildi, deb xabar beradi “TASS”.
Kengash a’zolari sinovni qat’iy qoralab, uni Pxenyanga yadro quroli va ballistik raketa ishlab chiqarish bilan bog‘liq har qanday faoliyatni taqiqlovchi mavjud rezolyutsiyani jiddiy buzish deb baholadi.

Rossellining eslatib o‘tishicha, 2013-yilda KXDR tomonidan yer osti yadro portlashi amalga oshirilgandan so‘ng, Xavfsizlik kengashi sinovlar takrorlangan holatda javob choralarini qabul qilishga kelishib olgan edi.

“Ushbu qarorga muvofiq, Xavfsizlik kengashi a’zolari ushbu choralarni o‘z ichiga oluvchi yangi rezolyutsiyani ishlab chiqish bo‘yicha darhol ish boshlaydi”, — dedi u.

Rezolyutsiya KXDRga nisbatan amalda bo‘lgan sanksiyaviy rejimning kengay ... Читать дальше »

AQSh KXDR tomonidan 6-yanvar kuni yangi yadro sinovi o‘tkazilganligiga shubha qilmaydi. Bu haqda Pentagon matbuot kotibi Piter Kuk tarqatgan yozma bayonot hamda AQSh va Koreya Respublikasi mudofaa vazirlari Eshton Karter va Xan Min Guning telefon orqali suhbatiga tayanib, “TASS” xabar beradi.
Kukning so‘zlariga qaraganda, ikki mamlakatning harbiy boshqarmalari rahbarlari Shimoliy Koreyaning yadro sinoviga nisbatan Amerika—Janubiy Koreya alyansining potensial javoblarini muhokama qilish uchun qo‘ng‘iroqlashgan. Bunda vazirlar “bu kabi har qanday sinovni qabul qilib bo‘lmaydigan va mas’uliyatsiz provokatsiya” va “xalqaro huquqni qo‘pol buzish” deb baholadi.

Karter va Xan Min Gu Shimoliy Koreyaning provokatsiyasini oqibatsiz qoldirmaslik lozimligi yuzasidan bir fikrga keldi. Shu munosabat bilan ular ushbu provokatsiyaga alyansning tegishli javob harakatlarini muvofiqlashtirishga kelishib oldi.
... Читать дальше »

Ukraina Markaziy Osiyoga yuk yetkazish uchun Rossiyani chetlab o‘tish imkonini beruvchi Transkaspiysk xalqaro transport yo‘nalishidan foydalanishni taklif etmoqda. Bu haqda “Review.uz” xabar berdi.
Mamlakat infratuzilma vazirligining ma’lum qilishicha, 2016-yil 15-yanvarda Ilichevskdan Ukraina—Gruziya—Ozarbayjon—Qozog‘iston— Xitoy ( Kaspiy va Qora dengiz orqali) yo‘nalishi bo‘yicha konteyner poyezdining namoyish reysi yo‘lga chiqadi. Ushbu marshrut Buyuk ipak yo‘lining yangi yo‘nalishi bo‘lib, sharqiy hududlarga Rossiyani aylanib o‘tib yuk oqimlarini yo‘naltirish imkonini beradi. U Qora va Kaspiy dengizlaridagi parom kechuvlarini o‘z ichiga oladi (Ilichevsk—Batumi va Alyat—Aktau-Port).

Namoyish reysi Ukrainadan Markaziy Osiyo mamlakatlariga yuk yetkazib berishning an’anaviy quruqlikdagi yo‘liga raqobat qiluvchi yo‘nalish ochilganini ko‘rsatib berishi kutilmoqda. Konteyner poyezdi taxminan 20 ta vagondan iborat bo‘ladi.
... Читать дальше »

Qatar hukumati Eronda Saudiya Arabistoni elchixonasiga qilingan hujumga norozilik belgisi sifatida Tehrondan o‘z elchisini chaqirib olmoqda. Bu haqda Reuters agentligi ma’lumotiga tayanib, “TASS” xabar beradi.
Ar-Riyod 3-yanvar kuni Eron bilan diplomatik aloqalarini uzishini ma’lum qilgan edi. Bunga shia ulamosi Nimr an-Nimrning qatl etilishidan norozi bo‘lgan namoyishchilarning Saudiya Arabistonining Tehrondagi elchixonasiga hujum qilishi sabab bo‘ldi.

4-yanvar kuni Bahrayn va Sudan Eron bilan diplomatik munosabatlarning to‘xtatilishini ma’lum qildi. 5-yanvar kuni Kuvayt o‘z elchisini Tehrondan chaqirib olishini ma’lum qildi. 6-yanvar kuni esa Jibuti hukumati Eron bilan diplomatik aloqalarning uzilganligi to‘g‘risida xabar berdi.
... Читать дальше »

Eron prezidenti Hasan Ruhoniy Islom Respublikasining Oliy sudi raisi oyatulloh Sodiq Amoli Larijoniyga maktub yo‘llab, Saudiya Arabistonining Tehron va Mashhaddagi diplomatik vakolatxonalariga hujum qilganlarni jazolashni so‘radi. Bu haqda “TASS” xabar bermoqda.
Ruhoniy o‘z maktubida “bunday jinoyatlar mamlakat milliy xavfsizligiga zarar keltirishi, Eron hukumati uchun haqoratli ekanligi va Islom Respublikasi rahbariyati imijiga zarar yetkazishi”ni qayd etgan.

Shia ulamoasi Nimr an-Nimrning qatl etilgani tufayli 2-yanvardan 3-yanvarga o‘tar kechasi Tehrondagi Saudiya Arabistoni elchixonasi va Qirollikning Mashhaddagi konsulligiga tajovuzkor kayfiyatdagi namoyishchilar hujum uyushtirdi. 3-yanvar kuni diplomatik vakolatxonalarga hujum qilgan 40 ga yaqin kishi qo‘lga olindi. Biroq Saudiya Arabistoni shu kunning o‘zida Eron bilan diplomatik aloqalarni uzdi. Uning ortidan Sudan va Bahrayn ham shunday yo‘l tutdi.

BAA Eron bilan diplomatik aloqalar darajasini ... Читать дальше »

2015-yilda Germaniyaga boshpana izlab kelgan muhojirlar soni 1,09 million kishini tashkil etdi. Bu haqda Germaniya hukumatidagi manbaga tayanib, Reuters ma’lum qildi, deb xabar beradi “Korrespondent.net”.
Ma’lum qilinishicha, 2015-yilning dekabr oyida mamlakatga 127 320 qochoq kelganidan so‘ng muhojirlar soni bir milliondan oshgan.

Xalqaro migratsiya tashkiloti 2015-yil 21-dekabrda Yevropaga quruqlik va dengiz orqali kelgan muhojirlar soni bir milliondan oshganini ma’lum qilgan edi.

Muhojirlarning katta qismi aynan Germaniyaga kelishga harakat qildi. Kansler Angela Merkel Yangi yil murojaatida muhojirlarning integratsiyasi nemis jamiyatiga foyda keltirishini alohida qayd etib o‘tdi.
< ... Читать дальше »

Afrika qit’asidagi Jibuti davlati Eron bilan diplomatik aloqalarni uzganini ma’lum qildi. Bu haqda “Vedomosti” xabar bermoqda.
Respublika tashqi ishlar vaziri Mahamud Ali Yussufning ta’kidlashicha, bu orqali uning mamlakati Saudiya Arabistoni bilan hamfikr ekanligini namoyish etishga qaror qilgan.

Eslatib o‘tamiz, Saudiya Arabistoni tashqi ishlar vazirligi 2-yanvar kuni terrorizm va fitna uchun sudlangan 47 kishi, shu jumladan, shialar xatibi Nimr an-Nimrga nisbatan o‘lim hukmi ijro etilganini e’lon qilgan edi. Shundan so‘ng Tehronda namoyishchilar Saudiya Arabistoni elchixonasiga hujum qildi.

Ushbu hodisadan so‘ng avvaliga Saudiya Arabistoni, keyin esa Sudan va Bahrayn Eron bilan diplomatik aloqalarni uzdi. BAA esa Tehron bilan diplomatik aloqalar darajasini pasaytirdi.
... Читать дальше »