Xonanda Lola hamkasbi, xonanda Shahzoda bilan dushman emas, lekin gaplashmaydi. Bu haqda u “Bekajon” gazetasiga bergan intervyusida aytib o‘tdi.

“Biz bir-birimizga dushman emasmiz, bir-birimizga qarshi ham emasmiz. Biz gaplashmaymiz, yaqin munosabatda emasmiz, xolos. Har birimiz alohida yashab, ijod qilamiz”, — dedi Lola.

“Men uchun bu mavzu eskirgan. Shunday ekan, men hammaga, shu jumladan, unga ham muvaffaqiyat tilayman. G‘arazim, e’tirozim yo‘q”, — dedi xonanda.

Avvalroq Lolaning Instagram’dagi sahifasida uning qizi Shahina va Shahzodaning kenja o‘g‘li Xolid ishtirokidagi surat paydo bo‘lgandi. Surat ostida xonanda: “Shahina tog‘asi Xolid bilan”, — deb izoh qoldirgandi.

... Читать дальше »

O‘zbekistonda xizmat ko‘rsatgan artist Rayhon G‘aniyeva 23—27-fevral kunlari “Istiqlol” san’at saroyida navbatdagi yakkaxon konsert dasturini taqdim etadi. Xonandaning o‘zi konsertiga qalbaki chiptalar sotilayotganidan ogohlantirdi. Bu haqda “Qalampir.uz” xabar bermoqda.

Kecha, 21-yanvar kuni xonanda Instagram’dagi shaxsiy sahifasi orqali konsertga kirish huquqini beruvchi qalbaki chiptalar sotilayotganini aytib, bunday chiptalarni sotayotgan uddaburonlarning nayranglariga aldanib qolmaslikdan ogohlantirdi.

“Qalbaki taklifnomalardan ehtiyot bo‘ling! Bu qalbaki!”, — deya Rayhon soxta chipta suratini postga ilova qilgan.

“Istiqlol” san’at saroyidan olingan ma’lumotlarga qaraganda, Rayhonning bu yilgi konsert dasturiga chiqarilgan chiptalar narxi 20 000 mingdan 180 000 minggacha etib belgilangan.

... Читать дальше »

Aktrisa Sitora Farmonova Bishkekning “Aziya MIX” jamoasi tarkibida Sochidagi KVN festivali — “KiViN—2016”da qatnashmoqda. Bu haqda “Darakchi” gazetasi xabar bermoqda.

Ma’lumot uchun, aktrisa Sitora Farmonova 2015-yildan Bishkekning “Aziya MIX” jamoasi tarkibida KVN musobaqalarida ishtirok etib kelmoqda. “Men KVN bilan kasallanganman. KVN borida, men hamma narsani: safarlar, gastrollar, tasvirga olish ishlarini qoldiraman yo bekor qilaman”, — deydi aktrisa.

Bishkekning “Aziya MIX” jamoasi 2011-yilda tashkil etilgan bo‘lib, 2015-yilda jamoa tarkibi yangilangan. Jamoa osiyoliklardan — tojikistonlik xonanda, o‘zbekistonlik aktrisa, qozog‘istonlik afsungar, qirg‘izistonlik boshlovchi va boshqalardan tashkil topgan.

... Читать дальше »

Amerikalik mashhur xonanda Merayya Keri avstraliyalik milliarder Jeyms Paker bilan Nyu-Yorkda unashtirildi. Bu haqda TMZ bergan ma’lumotlarga asosan “TASS” xabar qilmoqda.

Nikoh to‘yining qachon bo‘lib o‘tishi hozircha belgilanmagan.

Ma’lum qilinishicha, 48 yoshli Paker 45 yoshli xonandani uchrashuvga taklif qilgan va yashirincha uning eng yaqin do‘stlarini ham chaqirgan. Ular ishtirokida milliarder tiz cho‘kib, Merayyadan unga turmushga chiqishni so‘ragan.

Juftlik 2015-yilning iyun oyidan buyon uchrashib keladi. Ular Keri ikki nafar farzand ko‘rgan ikkinchi turmush o‘rtog‘i bilan ajrashganidan ikki oy o‘tgach tanishgan. Xonandaning birinchi turmush o‘rtog‘i esa bir nechta ovoz yozish kompaniyalarining egasi Tommi Mottola bo‘lgan. U bilan Keri 1998-yilning mart oyida ajrashgan.

Oldingi ikki nikohidan uch nafar farzandi bor Paker, eng badavlat avstrali ... Читать дальше »

O‘zbekiston Milliy akademik drama teatri Alisher Navoiy tavalludi 575 yilligi munosabati bilan “Alisher Navoiy” spektaklini qayta sahnalashtiradi. Bu haqda “Darakchi” gazetasi xabar bermoqda.

Teatr aktyori Rixsitilla Abdullayevning Instagram’dagi sahifasida ma’lum qilishicha, spektakldagi Guli rolini aktrisa Dilnoza Kubayeva ijro etadi, Rixsitilla Abdullayev esa Mansur obrazini gavdalantiradi.

Rossiya poytaxti Moskva shahridagi Markaziy kinochilar uyida 18-yanvar kuni o‘zbekistonlik taniqli rejissor Shuhrat Abbosovning 85 yoshga to‘lishi munosabati bilan yubiley kechasi o‘tkazildi. Bu haqda “Darakchi” gazetasi xabar bermoqda.

Tadbir Kinematografistlar uyushmasi, Rossiya kinoaktyorlar gildiyasi ko‘magida tashkil qilindi. “Shu kuni sahnada kino va shou-biznes sohasining eng mashhur vakillari o‘zbek rejissorini qutladi”, — deb yozadi gazeta.

O‘zbekiston xalq artisti, rejissor Shuhrat Abbosov 16-yanvar kuni 85 yoshga to‘ldi. U “Mahallada duv-duv gap” (1960), “Sen yetim emassan” (1962), “Toshkent — non shahri” (1967), “Otamdan qolgan dalalar” (1997) kabi filmlarni suratga olgan, “Shum bola” (1977) filmida ssenariy muallifi sifatida qatnashgan.

Xonanda Dilfuza Ismoilova bir restoranda raqsga tushayotgan suratlari tarqalgani uchun hamkasbi Ozoda Nursaidovani ayblagan edi. Dilfuza Ismoilova 14 yil avval Ozoda Nursaidovaning onasi tavalludi munosabati bilan o‘tkazilgan tadbirda ishtirok etgani va bu suratlar o‘sha tadbirning videosidan “stop kadr” qilib olinganini aytdi. Ozoda Nursaidovaning o‘zi hamkasbining ayblovlariga javob berdi, deb xabar qiladi “Qalampir.uz”.

“14 yil avval men hech qanday yig‘in qilmaganman. Bu haqda gapirayotgan odam yilini aniq bilib gapirishi kerak. Bu xabarni eshitgach, avvaliga Dilfuza Ismoilovani qachon biror yig‘inga taklif qilganimni eslay olmadim. Onamning tug‘ilgan kunlari bundan 8 yil avval, ya’ni 2008-yilda Toshkentdagi ‘Marrakesh’ restoranida nishonlangan edi. U yerda men qatnashmaganman. O‘sha davrada olingan video tasvirlar ham, fotosuratlar ham menda saqlanib qolmagan.

Meni birovnin ... Читать дальше »

Aktyor Leonardo Di Kaprio Davosda Crystal Awards mukofotiga loyiq deb topildi va u neft sanoati vakillarining kamchiliklarini fosh qiluvchi mavzuda nutq so‘zladi. Bu haqda The Guardian nashri ma’lumotlariga tayanib, “Korrespondent.net” xabar beradi.

Ma’lumki, “Aviator” filmining yulduzi Crystal Awards marosimida atrof-muhitni himoya qilish sohasiga qo‘shgan hissasi uchun sharafli mukofotga loyiq deb topilgan.

Leonardo Di Kaprio sahnada minnatdorlik nutqi bilan chiqish qilib, o‘zidagi bor imkoniyatlar bilan foydali qazilmalarni qazib olish asosi hisoblangan yoqilg‘i sanoatidagi “korporativ ochko‘zlik”ka qarshi kurashayotganligini ta’kidlab o‘tdi.

U, shuningdek, zamonaviy dunyodagi bu kabi muammolarni rad qiluvchi kishilarni keskin tanqid qildi. Di Kaprio iqlim o‘zgarishlari muammosiga ko‘proq e’tibor qaratishga chaqirdi.

Ўзбекистонда хизмат кўрсатган артист Сардор Раҳимхоннинг узоқ кутилган “Омон-омон” деб номланган таронаси юртимизнинг етакчи радиотўлқинлари узра жаранг сочди. Мухлислар томонидан кутилганидан ҳам аъло даражада қарши олинган композиция Зоҳиджон Обидов сўзи, Жасур Жавҳаназаров мусиқаси ва аранжировкаси билан ёзилган. Садоқатли муҳаббат қиссаси дея таъриф берилаётган қўшиқ хит даражасига кўтарилишига шубҳа йўқ. Бу ҳали ҳаммаси эмас. Сардор Раҳимхон баҳор фаслида ўтказилиши режалаштирилган концерт дастурига тайёргарлик ишларини ҳам бошлаб юборган. Бу ҳақида батафсил кейинги янгиликларимизда маълумот берамиз. Ҳозир эса “Омон-Омон” таронасини тингланг ва баҳо беринг.

 

Қисқа вақт ичида шоу бизнес оламига кириб келиб, мухлисларни ишончи ва олқишига эришган хонанда Ҳадича ижод уммонида. Унинг навбатдаги қўшиғини халқимизга тақдим этилди. “Парвона” деб номланган таронанинг сўзи ва мусиқаси Гулҳаё Шомуродовага тегишли. Аранжировкаси устида Аҳлиёр Азимов ишлаган.

Шунингдек, яқиндагина суратга олинган “Мани де” таронасига ишланган видеоклипини тез кунда сайтимиз орқали оммага намойиш қилишни режалаштирган. Ҳозирча “Парвона” қўшиғини тингланг ва баҳо беринг.